ჯანმრთელობის დაცვისა და სოციალურ საკითხთა კომიტეტის თავმჯდომარე, აკაკი ზოიძე ყირგიზეთის სამთავრობო უწყებების და სამოქალაქო სექტორის წარმომადგენლებს შეხვდა.

შეხვედრაზე განხილვის მთავარ თემას პალიატიური მზრუნველობასა და ქრონიკული ტკივილის მართვის საკითხებზე ქართული კანონმდებლობის გაცნობა წარმოადგენდა.

კომიტეტის თავმჯდომარის განცხადებით, საქართველოს პარლამენტმა თანამედროვე სტანდარტების შესაბამისი კანონმდებლობა მიიღო, სადაც ასახულია საერთაშორისო გამოცდილების მიდგომები და ახალი დეფინიციები, ასევე კანონში პალიატიური მკურნალობის სერვისების გამწევი დაწესებულების რეგულაციები გაჩნდა იმისათვის, რომ შესაბამისი ხარისხი მივიღოთ. აკაკი ზოიძემ ყირგიზეთელ სტუმრებს კანონის ის ნორმებიც გააცნო, რომელიც ქრონიკულ ავადმყოფებს და მათ ოჯახებს ცხოვრების ხარისხის გაუმჯობესებაში შეუწყობს ხელს.