საქართველოსა და ყაზახეთს შორის თანამშრომლობის კიდევ უფრო გაფართოებისა და გააქტიურების პერსპექტივებზე ისაუბრეს საქართველოს პარლამენტის დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ, ზურაბ ტყემალაძემ და ყაზახეთის ელჩმა საქართველოში, ერმუხამეტ ერტისბაევმა დღეს, პრალამენტში გამართულ შეხვედრაზე.

ელჩმა ისაუბრა იმის შესახებ, რომ საქართველო საინტერესო ქვეყანაა სადაც არაერთი ყაზახური ინვესტიცია განხორციელდა სხვადასხვა სფეროში. მისი თქმით, კიდევ რამდენიმე კომპანიაა დაინტერესებული აქ შემოსვლით.  მან ასევე  „ყაზტრანსგაზთან“ დაკავშირებით წარმოშობილ პრობლემაზე ისაუბრა, რომლის შესწავლასა და მოგვარებაშიც  ქართული მხარის ჩართვა ითხოვა.

ერმუხამეტ ერტისბაევმა  ზურაბ ტყემალაძესთან საუბარში, ჩვენი ქვეყნისადმი თავისი კეთილგანწყობა და პატივისცემა გამოხატა.