შეხვედრა ხმელთაშუა ზღვის საპარლამენტო ასამბლეის (PAM) კონფერენციის ფარგლებში გაიმართა, რომელშიც დავით საგანელიძე PABSEC-ის ვიცე-პრეზიდენტის რანგში მონაწილეობს.

მხარეებმა საქართველოსა და ევროკავშირს შორის ასოცირების შეთანხმება, მათ შორის ღრმა და ყოვლისმომცველი თავისუფალი სავაჭრო სივრცის შესახებ ხელშეკრულებასთან დაკავშირებული საქართველოში მიმდინარე პროცესები განიხილეს.

შეხვედრისას, მონაკოს პრინცსა და დავით საგანელიძის შორის საუბარი ასევე ევროპის ახალგაზრდულ ოლიმპიურ ფესტივალს შეეხო, რომელსაც თბილისი 2015 წლის ივლისში უმასპინძლებს.

შეგახსენებთ, რომ ხმელთაშუა ზღვის საპარლამენტო ასამბლეის რიგით მე-9 პლენარული სესია მონტე-კარლოში მიმდინარეობს. სხდომის მუშაობაში 26 წევრი ქვეყნის საპარლამენტო დელეგაცია და ოცამდე საერთაშორისო ორგანიზაცია, მათ შორის საპარლამენტთაშორისო კავშირის (IPU) გენერალური მდივანი, გაერო და ევროკავშირი მონაწილეობენ.