დარგობრივი ეკონომიკისა და ეკონომიკური პოლიტიკის კომიტეტის თავმჯდომარე, ზურაბ ტყემალაძე მალაიზიის პარლამენტის წარმომადგენლობითი პალატის თავმჯდომარის მოადგილეს, რონალდ კიანდეს შეხვდა. 

შეხვედრაზე ორი ქვეყნის უმაღლესი საკანონმდებლო ორგანოსა და დარგობრივი მიმართულების კომიტეტების საქმიანობაზე ისაუბრეს. ზურაბ ტყემალაძემ მალაიზიის საპარლამენტო დელეგაციას დარგობრივი ეკონომიკისა და ეკონომიკური პოლიტიკის კომიტეტის მუშაობა გააცნო.

„გავცვალეთ მოსაზრებები იმასთან დაკავშირებით, რომ ინვესტიციები განხორციელდეს როგორც საქართველოში, ასევე, მალაიზიაში, თუ, რა თქმა უნდა, ბიზნესმენები დაინტერესდებიან, ამ მხრივ, მათ, გარკვეული მიმართულებით, დახმარება გავუწიოთ. იქნება შეხვედრებიც. მალაიზიაში საკმაოდ განვითარებულია ტურიზმი და მათ აქვთ სურვილი, საქართველოში ამ მიმართულებით განავითარონ ბიზნესი“,- აღნიშნა შეხვედრის დასრულების შემდეგ დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ. 

შეხვედრას, ზურაბ ტყემალაძესთან ერთად, საქართველოს პარლამენტის წევრები - თემურ მაისურაძე და პაატა კვიჟინაძე ესწრებოდნენ.