პარლამენტის საგარეო ურთიერთობათა კომიტეტის წევრებმა გიორგი ხატიძემ, ლევან გოგიჩაიშვილმა, საქართველო-ურუგვაის საპარლამენტო მეგობრობის ჯგუფის წევრმა მამუკა ჩიქოვანმა ურუგვაის პარლამენტის სენატორს, ურუგვაი-საქართველოს საპარლამენტო მეგობრობის ჯგუფის ხელმძღვანელს, მონიკა ჩავიერს უმასპინძლეს.

გიორგი ხატიძის ინფორმაცით, ეს იყო მნიშვნელოვანი და საინტერესო შეხვედრა. საუბარი შეეხო ორმხრივი ეკონომიკური და სავაჭრო კავშირების გაძლიერების მნიშვნელობას. შეხვედრაზე ყურადღება გამახვილდა მაღალი დონის ვიზიტების და შეხვედრების გამართვის აუცილებლობაზე. მხარეებმა იმსჯელეს სოფლის მეურნეობის სფეროში შესაძლო თანამშრომლობის შესახებ.

„ვისაუბრეთ სავაჭრო და ეკონომიკური ურთიერთობის გაღრმავებისა და საპარლამენტთაშორისო ურთიერთობების გაძლიერების შესახებ. ქალბატონი მონიკას ვიზიტი ხელს შეუწყობს ჩვენს ქვეყნებს შორის ურთიერთობის გაძლიერებასა და გაღრმავებას“, - აღნიშნა გიორგი ხატიძემ.

დეპუტატებმა მადლობა გადაუხადეს მონიკა ჩავიერს ურუგვაის მიერ იძულებით გადაადგილებულ პირთა შესახებ გაეროს რეზოლუციის მხარდაჭერისთვის.