20 მაისს, ნიუ-იორკში ვიზიტის ფარგლებში, პარლამენტის განათლების, მეცნიერებისა და ახალგაზრდულ საქმეთა კომიტეტის თავმჯდომარე გივი მიქანაძე, ჰარვარდის კლუბში, საქართველოს გენერალური საკონსულოს მიერ ორგანიზებულ საქართველოს დამოუკიდებლობის დღისადმი მიძღვნილ მიღებას დაესწრო.

მიღებაზე მიწვეული იყვნენ ნიუ-იორკში აკრედიტებული დიპლომატიური მისიების ხელმძღვანელები და წარმომადგენლები.

ღონისძიებას მასპინძლობდნენ საქართველოს საგარეო საქმეთა მინისტრის მოადგილე ლაშა დარსალია და ნიუ-იორკში საქართველოს გენერალური კონსული მაია ბართაია.

ღონისძიებას ასევე ესწრებოდა გაერო-სა და საერთაშორისო ორგანიზაციებში საქართველოს მუდმივი წარმომადგენელი დავით ბაქრაძე.