საქართველოს პარლამენტის ევროპის საბჭოს საპარლამენტო ასამბლეაში მუდმივმოქმედი დელეგაციის წევრებმა გივი მიქანაძემ და ლევან ბეჟაშვილმა პარიზში გამართულ იურიდიულ და ადამიანის უფლებათა კომიტეტის სხდომაში მიიღეს მონაწილეობა.

​სხდომაზე დღის წესრიგით გათვალისწინებულ საკითხებზე დისკუსია გაიმართა, რომელშიც ქართველმა დეპუტატებმა მიიღეს მონაწილეობა.

გივი მიქანაძე, როგორც ადამიანის უფლებათა ევროპის სასამართლოს გადაწყვეტილებების აღსრულების ქვეკომიტეტის თავმჯდომარე ტირანაში, 4-5 ივლისს დაგეგმილ ქვეკომიტეტის სხდომასთან დაკავშირებით მოხსენებით წარდგა.

კომიტეტმა მხარი დაუჭირა 23 აპრილს, ბრიუსელში დაგეგმილ ევროპის სასამართლოს გადაწყვეტილებების აღსრულებაზე სამუშაო შეხვედრაში გივი მიქანაძის მონაწილეობას.