განათლების მენიერების და კულტურის კომიტეტის თავმჯდომარის მოადგილემ გუგული მაღრაძემ კონკურსის „მწვანე ჯილდო 2019” დაჯილდოების ცერემონიაში მიიღო მონაწილეობა.

პროგრამა - „გარემოსდაცვითი განათლება სკოლამდელი აღზრდის დაწესებულებებში“ სსიპ გარემოსდაცვითი ინფორმაციისა და განათლების ცენტრის ინიციატივით ხორცილდება. 2015 წლიდან პროგრამას სასკოლო მზაობის საგანმანათლებლო სახელმწიფოს სტანდარტს გარემოსდაცვითი კომპონენტი დაემატა.

2016 წლიდან სახელმძღვანელოს დანერგვის მიზნით მიმდინარეობდა სკოლამდელი აღზრდის დაწესებულებების აღმზრდელებისა და მეთოდისტების ტრენინგები მთელი საქართველოს მასშტაბით, ჯამში საქართველოს ყველა მხარეში გადამზადდა 1600-მდე ბაღის 2000-მდე აღმზრდელ-პედაგოგი და მეთოდისტი.

საქართველოს გარემოს დაცვისა და სოფლის მეურნეობის სამინისტროს სსიპ გარემოსდაცვითი ინფორმაციისა და განათლების ცენტრის მიერ სკოლამდელ გარემოსდაცვით განათლებაში მიღწეული შედეგების გაზიარებისა და აღმზრდელებისა და მეთოდისტების მოტივაციის გაზრდის მიზნით, 2019 წელს კონკურსი გაიმართა მთელი საქართველოს მასშტაბით და მასში მონაწილეობდა 120 აღმზრდელი და მეთოდისტი, რომელიც პრაქტიკაში იყენებს „სკოლამდელი გარემოსდაცვითი განათლების“ სახელმძღვანელოს და აქტიურად ახორციელებს გარემოსდაცვით აქტივობებს.

კონკურსის პირველ ეტაპზე მონაწილეთა შეფასება მოხდა, მთელი საქართველოდან მიღებული განაცხადების შეფასების საფუძველზე.