პარლამენტის თავმჯდომარის მოადგილე ილია ინჯია მარტვილის მუნიციპალიტეტის სოფელ ლეციცხვაიეს სკოლის მოსწავლეებს შეხვდა.

შეხვედრაზე საკანონმდებლო ორგანოს საქმიანობაზე ისაუბრეს. ილია ინჯიამ სკოლის მოსწავლეებს პარლამენტისა და საპარლამენტო კომიტეტების საქმიანობის ძირითადი მიმართულებები გააცნო.

​საუბარი ასევე შეეხო განათლების სისტემაში მიმდინარე რეფორმებს. 

სკოლის მოსწავლეებმა საგანმანათლებლო სფეროს აქტუალურ საკითხებზე საკუთარი მოსაზრებები გამოთქვეს.