რუსთავისა და გარდაბნის ათი თემის დელეგატი, საქართველოს პარლამენტის საგარეო ურთიერთობათა კომიტეტის თავმჯდომარის პირველი მოადგილე ირაკლი შატაკიშვილი რუსთავის მუნიციპალიტეტის ახალგაზრდული პროექტის - „მერის ახალგაზრდა წარმომადგენელი“ მონაწილეებს შეხვდა.

ირაკლი შატაკიშვილი ახალგაზრდებს პარლამენტის საქმიანობაზე, საზედამხედველო ფუნქციებსა და კანონშემოქმედებით პროცესზე ესაუბრა. ასევე ყურადღება გამახვილდა საკანონმდებლო ორგანოს როლზე, სტრუქტურასა და საქმიანობის ძირითად მიმართულებებზე.

„ახალგაზრდების მხარდაჭერა ჩვენი ხელისუფლების პრიორიტეტული მიმართულებაა. სწორედ, განათლებული და გამოცდილი ახალგაზრდები უზრუნველყოფენ ძლიერ და განვითარებაზე ორიენტირებულ მომავალს“, - აღნიშნა ირაკლი შატაკიშვილმა.

საქართველოს პარლამენტში სტუმრობისას, პროექტის მონაწილეებმა პარლამენტის სასახლე და ექვთიმე თაყაიშვილის სახელობის ქართული პარლამენტარიზმის მუზეუმი დაათვალიერეს.