„ერთიანი ნაციონალური მოძრაობა“ - გაერთიანებული ოპოზიცია „ძალა ერთობაშია“ - საპარლამენტო ფრაქციის თავმჯდომარე ხატია დეკანოიძემ ისრაელის საგანგებო და სრულუფლებიან ელჩთან საქართველოში, ჰადას მეიცადთან გაცნობითი შეხვედრა გამართა.

შეხვედრაზე მხარეებმა საქართველოს ევროპული ინტეგრაციის და ევროკომისიის 12-პუნქტიანი რეკომენდაციების შესრულების საკითხები განიხილეს.

იმსჯელეს საქართველოში და ზოგადად რეგიონში უსაფრთხოების გამოწვევებზე.

საუბარი ასევე შეეხო ქვეყანაში მიმდინარე პოლიტიკურ პროცესებს.

„ევროკომისიის 12-პუნქტიანი რეკომენდაციების შესრულებასთან დაკავშირებით ელჩს პარლამენტში მიმდინარე სამუშაო პროცესი გავაცანი. ვისაუბრეთ საქართველოს ევროკავშირში ინტეგრაციის გზაზე და რეგიონის უსაფრთხოებაზე “, - განაცხადა ხატია დეკანოიძემ შეხვედრის დასრულების შემდეგ.