კულტურის კომიტეტმა დღევანდელ სხდომაზე კომიტეტის თავმჯდომარის მოადგილედ ფრაქციის „ერთიანი ნაციონალური მოძრაობა“- გაერთიანებული ოპოზიცია „ძალა ერთობაშია“ მიერ წარდგენილი კანდიდატი როსტომ ჩხეიძე აირჩია.

„კულტურა გვაერთიანებს, და სწორედ ახლა, როცა ასეთი დაძაბულობა და პოლარიზაციაა ქვეყანაში, კულტურის პოლიტიკას დიდი მნიშვნელობა აქვს. ჩვენ ყველა, ქვეყნის ინტერესებით მოაზროვნე ადამიანები, რომელთაც გვესმის რა არის კულტურა, რა მნიშვნელობა აქვს მას უმდა გავერთიანდეთ. ამიტომ, რა თქმა უნდა, მივესალმებით ბატონი როსტომ ჩხეიძის ჩვენს კომიტეტში მოსვლას“, - განაცხადა კულტურის კომიტეტის თავმჯდომარემ, ელისო ბოლქვაძემ.

კომიტეტმა ერთხმად დაუჭირა მხარი როსტომ ჩხეიძის კანდიდატურას.