ევროპასთან ინტეგრაციის კომიტეტის თავმჯდომარე მაკა ბოჭორიშვილმა საქართველოში ხორვატიის საგანგებო და სრულუფლებიან ელჩთან, ბრანკო ზებიჩთან შეხვედრა გამართა.

მხარეებმა განიხილეს საქართველო-ევროკავშირის ურთიერთობების აქტუალური საკითხები, საქართველოს ევროკავშირში ინტეგრაციის მნიშვნელობა გეოპოლიტიკურ ჭრილში, საქართველოში მიმდინარე პოლიტიკური პროცესები, რეგიონში არსებული ვითარება და უსაფრთხოების გამოწვევები.

საუბარი შეეხო დაგეგმილ საპარლამენტო არჩევნებს, საარჩევნო პროცესს და მოლოდინებს.