გუგული მაღრაძე ბერგჰოფის ფონდის დირექტორს ბერლინში ბატონ ოლივერ ვოლეჰს შეხვდა
საქართველოს პარლამენტის განათლების, მეცნიერების და კულტურის კომიტეტის თავმჯდომარის მოადგილე გუგული მაღრაძე ბერგჰოფის ფონდის დირექტორს ბერლინში ოლივერ ვოლეჰს შეხვდა.
საუბარი შეეხებოდა ბერგჰოფის ფონდის მიერ განხორციელებულ პროექტებს ქართულ აფხაზური კონფლიქტის ტრანსფორმაციის შესაძლებლობების შესახებ.
ოლივერ ბერგჰოფმა ქ-ნ გუგულის, როგორც საქართველოს პარლამენტის განათლების მეცნიერების და კულტურის კომიტეტის თავმჯდომარის მოადგილეს და ამავე დროს ივანე ჯავახიშვილის სახელობის თბილისის სახელმწიფო უნივერსიტეტის კონფლიქტების ანალიზის და მართვის პროგრამის ხელმძღვანელს, გააცნო იმ პროექტების შედეგები, რაც ხორცილედება ბერგჰოფის ფონდის მიერ საქართველოსა და აფხაზეთში 2012 წლიდან და რომელიც მიზნად ისახავს ერთმანეთის ისტორიების მოსმენისა და ანალიზის საფუძველზე შეიტანონ მეტი სინათლე არსებული კონფლიქტის წარსულის, აწყმოს შესახებ და ასევე წარმოადგინონ კონფლიქტის მხარეების სამომავლო ურთიერთობების შესაძლებლობები.
საინტერესოა ამ კვლევის თავისებურება: აფხაზები და ქართველები ცალცალკე გერმანელი მკვლევარის ხელმძღვანელობით ჰყვებიან თავის ისტორიებს, რაც მათი აზრით მნიშვნელოვანი იყო მათთვის კონფლიქტის დაწყებიდან დღემდე.
ასევე ჰყვებიან თავის ისტორიებს ქართველები. შემდეგ ქართული ჯგუფი რომელიც შედგება როგორც კონფლიქტის მონაწილე ვეტერანების და იძულებით გადაადგილებული პირებისაგან, ისე ახალგაზრდებისაგან ვინც არ მოსწრებია ამ კონფლიქტს, განიხილავენ ერთ ან რამდენიმე ისტორიას, რომელიც შერჩეულია როგორც ყველაზე მისაღები და ნეიტრალური, კვლევის ხელმძღვანელი გუნდის მიერ.
ასევე ხდება აფხაზეთში აფხაზების მონაწილეობით ქართველების ისტორიების მოსმენა განხილვა. ისტორიები ჩაწერილი აუდიომასალის სახით, ავტორები ანონიმურია და კონფიდენციალობა დაცულია.
დღემდე ამ შეხვედრებში მონაწილეთა რიცხვი შთამბეჭდავია და 2000 კაცს აღემატება. ასეთი ისტორიების მოსმენა აახლოვებს ადამიანებს და ერთმანეთში ხედავენ არა მტრებს, არამედ ადამიანურ არსებებს, რომლებთაც მსგავსი განცდები და ისტორიები შეიძლება ჰქონდეთ. ამ ისტორიების ნაწილი გაშუქებულია რადიო თავისუფლების მიერ.
გუგული მაღრაძემ გამოთქვა მოსაზრება, რომ მსგავსი ისტორიების მოსმენა შეიძლება განხორციელდეს უფრო ფართო აუდიტორიისათვის, მაგრამ ამას სჭირდება ძალიან სენსიტიური ჟურნალისტების და მკვლევარების ჩართულობა, რომ გადაცემებმა მიაღწიონ თავის მიზანს: დანერგონ ურთიერთგაგების და ნდობის ატმოსფერო კონფლიქტის მხარეებს, განსაკუთრებით, ახალგაზრდებს შორის.
თავის მხრივ ოლივერ ვოლეჰი დაინტერესდა გაზეთ“ რეზონანსში“ ქ-ნ გუგულის ინტერვიუთი, რომელიც ეხებოდა ქართულ- აფხაზური კონფლიქტის ტრანსფორმაციის საკითხებს.
შეხვედრის მონაწილეებმა გამოთქვეს სურვილი შემდგომი თანამშრომლობის შესახებ.
