საქართველოს პარლამენტის წევრები სამების საკათედრო ტაძარში, ჯანსუღ ჩარკვიანის სამოქალაქო პანაშვიდს დაესწრნენ. დეპუტატებმა ქართველი პოეტის და ყოფილი კოლეგის ოჯახს პირადად მიუსამძიმრეს.

„ჯანსუღ ჩარკვიანის სახით, ჩვენ დიდი პიროვნება და შემოქმედი დავკარგეთ. ბატონმა ჯანსუღმა 17 წლის ასაკიდან - პირველი ლექსის გამოქვეყნებიდან, შემდგომი შემოქმედების თითქმის 70 წლიან გზაზე, ქართველი ერის უდიდესი სიყვარული დაიმსახურა. მისი დამსახურება არაერთი სახელმწიფო ჯილდოთი თუ ლიტერატურული პრემიით არის აღნიშნული. საქართველოს პარლამენტის სახელით მინდა მივუსამძიმრო ბატონი ჯანსუღის ოჯახს, მის მეგობრებს, კოლეგებს და თითოეულ გულშემატკივარს“, - აღნიშნა განათლების, მეცნიერებისა და კულტურის კომიტეტის თავმჯდომარემ მარიამ ჯაშმა.

ჯანსუღ ჩარკვიანი 1992- 2004 წლამდე საქართველოს სამი მოწვევის პარლამენტის წევრი იყო.

ქართველი პოეტი, 86 წლის ასაკში, 6 ნოემბერს გარდაიცვალა.