ირანის ისლამური რესპუბლიკის პარლამენტთან მეგობრობის ჯგუფის წევრი ნატო ჩხეიძე ირანის ელჩის მრჩეველს საქართველოში, აბას ყორბანს შეხვდა.

შეხვედრაზე ორ ქვეყანას შორის არსებული თანამშრომლობის მიმართულებები განიხილეს.

ისაუბრეს საპარლამენტო კავშირების გაძლიერებაზე. საუბრის ძირითად თემას წარმოადგენდა ქალთა უფლებების დაცვა და მისი გაძლიერება. დეპუტატმა სტუმარს ამ კუთხით საქართველოში არსებული ვითარება გააცნო და აღნიშნა, რომ საქართველოში ქალთა უფლებები საბრძოლველი არ არის.

„მათი ინტერესია, რომ არა მხოლოდ მეზობელ, არამედ, უფრო შორეულ ქვეყნებშიც ჰქონდეთ ურთიერთობები ქალთა უფლებებისათვის ბრძოლისა და გაძლიერების მიმართულებით. სტუმარს გავუზიარე გამოცდილება ამ კუთხით საქართველოში არსებულ ვითარებასთან დაკავშირებით“, - განაცხადა ნატო ჩხეიძემ.