ევროპასთან ინტეგრაციის კომიტეტის თავმჯდომარის მოადგილემ და ეუთო-ს საპარლამენტო ასამბლეაში საქართველოს დელეგაციის სათადარიგო წევრმა, ნინო იობაშვილმა ქალაქ ვენაში, ეუთო-ს საპარლამენტო ასამბლეის (OSCE PA) ახალგაზრდა პარლამენტართა არაფორმალური ფორმატის შეხვედრაში მიიღო მონაწილეობა.

ავსტრიის დედაქალაქში გამართულ შეხვედრაში ეუთო-ს საპარლამენტო ასამბლეის წევრი ქვეყნები: საქართველო, ავსტრია, ნიდერლანდები, ნორვეგია, სომხეთი, ანდორა მონაწილეობდნენ.

დელეგაციის წევრებმა შეხვედრები გამართეს ეუთო-ს გენერალური მდივნის ოფისისა და ეუთო-ს საერთაშორისო სამდივნოს წარმომადგენლებთან.

აღნიშნულ ფორმატში განხილულ იქნა ასამბლეაში ახალგაზრდების ჩართულობის ყველაზე აქტუალური საკითხები.

აღნიშნულ თემებზე მსჯელობისას, ნინო იობაშვილმა ყურადღება საპარლამენტო ცხოვრებაში ახალგაზრდა პოლიტიკოსების როლის გაძლიერების მნიშვნელობაზე გაამახვილა.

​მხარეები შეთანხმდნენ, გააგრძელონ მუშაობა მომავალ ძალისხმევაზე საპარლამენტო ასამბლეის ფარგლებში ახალგაზრდებთან დაკავშირებული პოლიტიკის ხელშესაწყობად.