თავდაცვის სამინისტროს მიერ გამოცხადებული და ჩატარებული ტენდერების კანონიერების შესწავლას ითხოვს საპარლამენტო უმცირესობა. ამ თემაზე დღეს გივი თარგამაძემ და ირმა ნადირაშვილმა სპეციალური ბრიფინგი გამართეს. როგორც ფრაქცია „ერთიანი ნაციონალური მოძრაობის“ წევრმა, ირმა ნადირაშვილმა განაცხადა, ტენდერების საკითხი მაღალი თანამდებობის პირებს უკავშირდება და მისი თქმით, შესაბამისად, ადგილი აქვს ელიტური კორუფციის კონკრეტულ ფაქტებს. 

როგორც საპარლამენტო უმცირესობის წევრებმა განაცხადეს, „ერთიანი ნაციონალური მოძრაობა“ ითხოვს მოძიებული ფაქტების გამოძიებას და დამნაშავეთა დასჯას, მათ შორის, იმ მაღალი თანამდებობის პირების, რომლებიც უშუალოდ მონაწილეობენ კანონსაწინააღმდეგო შეთანხმებებში.