პარლამენტის თავმჯდომარე შალვა პაპუაშვილი პარლამენტის წევრებთან ერთად ჩუღურეთის მეხუთე საჯარო სკოლაში გამართულ ღონისძიებას - „ჩვენი სკოლის კურსდამთავრებულები“ დაესწრო.

ღონისძიების მონაწილეებს მისასალმებელი სიტყვით მიმართეს: პარლამენტის თავმჯდომარემ შალვა პაპუაშვილმა, ფრაქცია „ქართული ოცნების“ თავმჯდომარის მოადგილემ რიმა ბერაძემ, განათლების, მეცნიერებისა და ახალგაზრდულ საქმეთა კომიტეტის თავმჯდომარემ მარიამ ლაშხმა და განათლების, მეცნიერებისა და ახალგაზრდობის მინისტრის მოადგილემ თამარ მახარაშვილმა.

შალვა პაპუაშვილმა და პარლამენტის წევრებმა სკოლისა და ზოგადი განათლების მნიშვნელობაზე, ასევე ქვეყნის განვითარებაში ახალგაზრდების როლზე ისაუბრეს.

ღონისძიებას პარლამენტის ის წევრებიც ესწრებოდნენ, რომლებმაც ჩუღურეთის მეხუთე საჯარო სკოლა დაამთავრეს. მათ მოსწავლეებს საკუთარი გამოცდილება გაუზიარეს და ახალგაზრდებს წარმატებები უსურვეს.

პარლამენტის თავმჯდომარემ და პარლამენტის წევრებმა სკოლის მიმდებარე ტერიტორიაზე გამწვანების აქციაში მიიღეს მონაწილეობა.

ღონისძიება ფრაქცია „ქართული ოცნების“ თავმჯდომარის მოადგილის რიმა ბერაძის ორგანიზებით გაიმართა.

შეხვედრას სკოლის მოსწავლეები, პედაგოგები და მშობლები ესწრებოდნენ.