თამარ ჩარკვიანი ბულგარეთის ელჩს საქართველოში, ვესელინ ვალკანოვს შეხვდა
მედია და საზოგადოება 26 ოქტომბერი 2022
საქართველოს პარლამენტის წევრი თამარ ჩარკვიანი ბულგარეთის რესპუბლიკის საგანგებო და სრულუფლებიან ელჩს საქართველოში ვესელინ ვალკანოვს შეხვდა.
შეხვედრაზე საუბარი ევროკომისიის 12-პუნქტიანი რეკომენდაციების შესრულების გზებს შეეხო. მხარეებმა საქართველოში არსებული პოლიტიკური ვითარება მიმოიხილეს.
თამარ ჩარკვიანი დიპლომატს საქართველოს მესამე პრეზიდენტის, მიხეილ სააკაშვილის და ნიკა გვარამიას პატიმრობის შესახებ ესაუბრა.
„შეხვედრაზე ევროკომისიის 12-პუნქტიანი რეკომენდაციების შესრულების შესახებ ვისაუბრეთ. გავცვალეთ ჩვენი მოსაზრებები. მიხარია, რომ დასავლეთის ქვეყნები ზრუნავენ, ჩვენ აღმოვჩნდეთ დასავლური ოჯახის წევრები. დიპლომატს ოპოზიციის საპარლამენტო საქმიანობაზე მივაწოდე ინფორმაცია და შევთანხმდით სამომავლო თანამშრომლობაზე“, - განაცხადა თამარ ჩარკვიანმა.
შეხვედრას ასევე ესწრებოდა ბულგარეთი ელჩის მოადგილე ილია ნამჩევი.
