შეხვედრაზე ისაუბრეს ლიტვაში განხორციელებული რეფორმების თაობაზე, რომელმაც წარმატებულად აქცია ლიტვა, როგორც ქვეყანა. განსაკუთრებული ყურადღება აღნიშნული კუთხით სამინისტროს მიერ გაწეულ საქმიანობას დაეთმო.

„ლიტვაში თავის დროზე იყო ხმაურიანი რეფორმების ტალღა, რომელიც მათ დაიწყეს და რომელსაც საკმაოდ წარმატებული შედეგები მოჰყვა. შესაბამისად, ვისაუბრეთ ამ რეფორმებზე და იმაზე, რომ ჩვენ გავიზიაროთ მათი გამოცდილება. ეს ის მიმართულებებია, რომლებიც ასევე მნიშვნელოვანია საქართველოსთვის. ეს ეხება გარემოს დაცვას, ხე-ტყის პრობლემებს, ასევე ნადირობის და მეთევზეობის პრობლემებს და რაც ერთ-ერთ მთავარ პრობლემას წარმოადგენს ჩვენთანაც - ჰაერის დაბინძურებას“, - განაცხადა შეხვედრის შემდეგ გარემოს დაცვისა და ბუნებრივი რესურსების კომიტეტის თავმჯდომარე კახაბერ კუჭავამ. შეხვედრაზე სამომავლოდ თანამშრომლობის კონკრეტულ ასპექტებზეც ისაუბრეს.

როგორც კახაბერ კუჭავამ თქვა, ქართული მხარე მიიწვიეს ლიტვაში, რათა ადგილზე გაეცნონ გარემოს დაცვის სფეროში განხორციელებული რეფორმების შედეგებს.
 
შეხვედრას ესწრებოდნენ ლიტვის საგანგებო და სრულუფლებიანი ელჩი საქართველოში გიედრიუს პუოჯუნასი და გარემოს დაცვისა და ბუნებრივი რესურსების კომიტეტის თავმჯდომარის პირველი მოადგილე ზაზა ხუციშვილი.