დარგობრივი ეკონომიკისა და ეკონომიკური პოლიტიკის კომიტეტის თავმჯდომარე, რომან კაკულია დღეს პარლამენტის სტაჟიორებს შეხვდა. 

რომან კაკულიამ იმ გამოწვევებზე გაამახვილა ყურადღება, რომლებიც დღეს ჩვენი ქვეყნის წინაშე დგას ეკონომიკური და კულტურული განვითარების გზაზე და მათი გადაწყვეტის შესაძლებლობაზე თავისი მოსაზრებებიც გააცნო.

შეხვედრაზე კომიტეტის თავმჯდომარემ ისაუბრა ქვეყნის ეკონომიკური წინსვლის პროცესში განათლების როლზე და ბოლო ოცდაათი წლის განმავლობაში საქართველოს ეკონომიკური და კულტურული ტრანსფორმაციის შესახებ. რომან კაკულიამ თავისუფალ საბაზრო ეკონომიკაზე საუბრისას ახალგაზრდებს მიმართა, რომ მეტი დრო დაუთმონ მოვლენების ანალიზს, რაც სწორ გადაწყვეტილებამდე მიიყვანს მათ. ასევე თქვა, რომ განათლება ქმნის თავისუფალ ადამიანს, რომელიც ქმნის თავისუფალ საბაზრო ეკონომიკას, რომელიც ვერ განვითარდება თითოეული პიროვნების ინიციატივისა და პიროვნული თავისუფლების როლის გარეშე. 
რომან კაკულიამ უპასუხა სტაჟიორების შეკითხვებს.