ახალი კორონა ვირუსის პანდემიით გამოწვეულ ახალი რეალობა მცირე და საშუალო ბიზნესის განვითარებას უქმნის ახალ გამოწვევებს, რომლის დაძლევასც სჭირდება ახალი ცოდნა და ახალი ინსრუმენტების ჩართვა, სწორედ ამ პოლიტიკის განსაზღვრის საკითხებს შეეხო დღევანდელი ონლაინ შეხვედრა, რომელიც დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ, რომან კაკულიამ ეკონომიკური თანამშრომლობისა და განვითარების ორგანიზაციის (OECD) ევრაზიის განყოფილების უფროსთან უილიამ ტომსონთან გამართა.

„ბატონ უილიამ ტომსონთან ჩვენ ერთი მხრივ მიმოვიხილეთ დღემდე არსებული ფორმატები OECD-ის სთან თანამშრომლობის, სადაც ეკონომიკის სამინისტრო საკმაოდ მჭიდროდ არის ჩართული, და შევთანხმდით იმაზე, რომ სხავადასხვა კომიტეტები OECD-ის, მათ შორის საინვესტიციო კომიტეტი უფრო აქტიურად გააგრძელებს თანამშრომლობას საქართველოს სახელმწიფო სტრუქტურებთან იმისათვის, რომ ახალი რეალობა, რომელიც კორონა ვირუსის შემდეგ შეიქმნა და რომელიც ისეთ მნიშვნელოვან მიმართულებას, როგორიც არის მცირე და საშუალო ბიზნესის განვითარება, უქმნის ახალ გამოწვევებს. კერძოდ, უკვე არსებული ინსტრუმენტებით სიღარიბესთან უფრო ახლო დისტანციაზე მისვლა არის ახალი გამოწვევა. ამას სჭირდება ახალი ცოდნა და ახალი ინსრუმენტების ჩართვა. ამაზე შევთანხმდით და ქვეყნის საპროგრამო დოკუმენტში, რომელიც პრინციპში OECD-ის ეგიდით მზადდება ხოლმე, ჩვენ შევეცდებით, რომ ავსახოთ ეს ახალი რეალობა.
 
OECD-ისთან თანამშრომლობა განსაკუთრებით მნიშვნელოვანია. ჩვენ ბევრ საერთაშორისო ორგანიზაციასთან ვთანამშრომლობთ, მაგრამ ეკონომიკური პოლიტიკისა და ხედვის ნაწილში ჩვენი ჩამოყალიბებისათვის OECD-ი არის ძალიან მნიშვნელოვანი ორგანიზაცია, რომელიც სწორედ პოლიტიკის განსაზღვრის ნაწილში თანამშრომლობს ყველა ჩვენს მსგავს ქვეყანასთან. მათი გამოცდილება უკვე განზოგადოებული და კონკრეტულ რეკომენდაციად გადაქცეული ჩვენთვის არის ძალიან მნიშვნელოვანი და სწორედ ამას ემსახურებოდა დღევანდელი შეხვედრა“,- განაცხადა რომან კაკულიამ შეხვედრის დასრულების შემდეგ.