საქართველოს პარლამენტი

  • ღია პარლამენტი
  • გენდერული თანასწორობის საბჭო
  • საპარლამენტო დიპლომატია
  • კვლევითი ცენტრი
  • სასარგებლო ბმულები
  • ტერმინთა განმარტება
  • პარლამენტი
    პლენარული სხდომები
    ბიურო
    კომიტეტები
    ფრაქციები
    საპარლამენტო უმრავლესობა
    საპარლამენტო ოპოზიცია
    პოლიტიკური ჯგუფები
    უფრაქციო პარლამენტის წევრები
    კომისიები, საბჭოები
    საპარლამენტო დიპლომატია
    აპარატი
    სასწავლო ცენტრი
  • პარლამენტის წევრები
  • კანონმდებლობა
  • ზედამხედველობა
  • მედია
  • საჯარო ინფორმაცია
  • ჩაერთე
თარიღით ძებნა

საქართველოს პარლამენტი

ძიება
  • English
  • სიახლეები
  • ანონსი
  • პირდაპირი ეთერი
  • ვიდეოგალერეა

ანტიკორუფციული ღონისძიებების სამუშაო ჯგუფმა დამოუკიდებელი ანტიკორუფციული სააგენტოს შექმნაზე და უწყებებს შორის ეფექტიან კოორდინაციაზე იმსჯელა

მედია და საზოგადოება 12 აგვისტო 2022
ანტიკორუფციული ღონისძიებების სამუშაო ჯგუფმა დამოუკიდებელი ანტიკორუფციული სააგენტოს შექმნაზე და უწყებებს შორის ეფექტიან კოორდინაციაზე იმსჯელა

იურიდიულ საკითხთა კომიტეტის სამუშაო ჯგუფმა, რომელიც ევროკავშირის მიერ განსაზღვრული 12 პირობის შესრულების ფარგლებში ანტიკორუფციულ ღონისძიებებზე მუშაობს, მორიგი შეხვედრა გამართა.

კომიტეტის თავმჯდომარისა და სამუშაო ჯგუფის ხელმძღვანელის, ანრი ოხანაშვილის განცხადებით, სხდომაზე გაიმართა მსჯელობა იმის თაობაზე, თუ რამდენად არის მოაზრებული 12 პუქტიან გეგმაში დამოუკიდებელი ანტიკორუფციული სააგენტოს შექმნის იდეა.

„ამ საკითხზე ჩვენ მოვისმენთ სამოქალაქო საზოგადოების, კერძოდ კი, ინფორმაციის თავისუფლების განვითარების ინსტიტუტის (IDFI) წარმომადგენლის ხედვა. მისი მოსაზრებით, 12 პუნქტიანი გეგმის ფარგლებში კარგი იქნებოდა სააგენტოს შექმნა და მნიშვნელობა არა აქვს იმას, თუ როგორი იქნება კომპლექტაცია და როგორი იქნება სამსახურის ხელმძღვანელის არჩევის კვორუმი. ოპოზიციის ცალკეულმა წარმომადგენლებმა დააფიქსირეს განსხვავებული ხედვა. მათი მოსაზრებით, აუცილებელია შეიქმნას სააგენტო, რაც აპრიორი უნდა ნიშნავდეს იმას, რომ 2/3-ით უნდა მოხდეს სააგენტოს ხელმძღვანელის არჩევა, სხვა შემთხვევაში კი, ასეთი სააგენტოს შექმნის იდეას აზრი არ აქვს.

ჩვენ დავსვით საკითხი, რომ 12 პუნქტიან გეგმაში არსად წერია, რომ აპრიორი უნდა შეიქმნას ახალი სააგენტო და მითუმეტეს, რომ სააგენტოს ხელმძღვანელი უნდა აირჩეს 2/3-ით. ამასთან დაკავშირებით არ არსებობს კონტრ-პასუხი, ვინაიდან ესეთი იდეა ჩადებული რომ ყოფილიყო 12 პუნქტიან გეგმაში, აუცილებლად იქნებოდა სწორება სააგენტოს ხელმძღვანელის არჩევაზე 90 ან 100 ხმით“, - აღნიშნა ანრი ოხანაშვილმა.

მისი თქმით, ასევე გამოიკვეთა, რომ ერთ-ერთი გამოწვევა კორუფციასთან ბრძოლის თვალსაზრისით არის უწყებებს შორის კოორდინაცია, რომ კიდევ უფრო ეფექტიანი კოორდინაციაა საჭირო, კიდევ უფრო მეტი მუშაობაა საჭირო პრევენციაზე და შესაძლებელია, კორუფციასთან ბრძოლაში სისხლის სამართლის კონკრეტული შემადგენლობების გადახედვა, სანქციების გადახედვა იყოს, ასევე, ერთ-ერთი მნიშვნელოვანი ბერკეტი.

„ამ მიმართულებით ჩვენ ვთხოვეთ კონკრეტულ უწყებებს, რომ წარმოადგინონ მათი ხედვა გამოწვევებთან მიმართებაში. ჩვენც, „ქართული ოცნების“ გუნდი ამ მიმართულებასთან დაკავშირებით ჩვენ ხედვას წარმოვადგენთ. მთლიანობაში იკვეთება ორი მიმართულება. ერთი, შეიქმნას სააგენტო ან მეორე გაძლიერდეს კოორდინაცია კორუფციასთან ბრძოლის, გაძლიერდეს პრევენციასთან ორიენტირებულ ღონისძიებებზე მუშაობა და გაძლიერდეს სამართლებრივი რეაგირების მიზნით საკანონმდებლო ცვლილებების შემუშავება.

მომდევნო შეხვედრაზე გაგრძელდება დისკუსია ამ მეორე მოდელზე და ამის შემდეგ შევაჯერებთ საბოლოოდ პოზიციებს, თუ რომელი მიმართულებით გადაიხრება საბოლოოდ სამუშაო ჯგუფი“, - განაცხადა ანრი ოხანაშვილმა.

სამუშაო ჯგუფის წევრები არიან: ფრაქცია „ქართულ ოცნებისა“ და ცალკეული ოპოზიციური ჯგუფების წევრები, ასევე, მთავრობის ადმინისტრაციის, პროკურატურის, სახელმწიფო უსაფრთხოების სამსახურის, იუსტიციის სამინისტროს, სახელმწიფო აუდიტის სამსახურის და სამოქალაქო საზოგადოების (აღმოსავლეთ პარტნიორობის სამოქალაქო საზოგადოების ფორუმის საქართველოს ეროვნული პლატფორმის) წარმომადგენლები.

სამუშაო ჯგუფის საქმიანობას მონიტორინგს უწევენ საქართველოს პრეზიდენტის ადმინისტრაციის წარმომადგენლები.

გეგმის თანახმად, კანონპროექტის ინიცირება უნდა მოხდეს არაუგვიანეს 2022 წლის 19 ოქტომბრისა, ხოლო მიღება არაუგვიანეს 2022 წლის 1 დეკემბრისა.

ამობეჭდვა

გამოიწერე სიახლეები

იურიდიულ საკითხთა კომიტეტმა „ადამიანის ორგანოთა გადანერგვის შესახებ“ კანონპროექტი განიხილა
29 მაისი 2023

იურიდიულ საკითხთა კომიტეტმა „ადამიანის ორგანოთა გადანერგვის შესახებ“ კანონპროექტი განიხილა

მსგავსი

ელისო ბოლქვაძე დანიის სამეფოს საგანგებო და სრულუფლებიან ელჩს ანე ტოფტ სორენსენს შეხვდა
29 მაისი 2023

ელისო ბოლქვაძე დანიის სამეფოს საგანგებო და სრულუფლებიან ელჩს ანე ტოფტ სორენსენს შეხვდა

საპროცედურო საკითხთა და წესების კომიტეტმა საზოგადოებრივი მაუწყებლის სამეურვეო საბჭოს არჩევის წესში ცვლილებას მხარი დაუჭირა
29 მაისი 2023

საპროცედურო საკითხთა და წესების კომიტეტმა საზოგადოებრივი მაუწყებლის სამეურვეო საბჭოს არჩევის წესში ცვლილებას მხარი დაუჭირა

შალვა პაპუაშვილი: დღეს, მართლაც დიდი დღეა ჩვენი ქვეყნისთვის და განსაკუთრებული დღეა საქართველოს პარლამენტისთვის - მშობლიურ მიწას მიებარება საქართველოს პირველი პარლამენტის თავმჯდომარის პირველი მოადგილე ალექსანდრე ლომთათიძე
28 მაისი 2023

შალვა პაპუაშვილი: დღეს, მართლაც დიდი დღეა ჩვენი ქვეყნისთვის და განსაკუთრებული დღეა საქართველოს პარლამენტისთვის - მშობლიურ მიწას მიებარება საქართველოს პირველი პარლამენტის თავმჯდომარის პირველი მოადგილე ალექსანდრე ლომთათიძე

სასამართლო რეფორმის სამუშაო ჯგუფმა სასამართლოსთან დაკავშირებით საკანონმდებლო ცვლილებების პაკეტზე კიდევ ერთხელ იმსჯელა
27 მაისი 2023

სასამართლო რეფორმის სამუშაო ჯგუფმა სასამართლოსთან დაკავშირებით საკანონმდებლო ცვლილებების პაკეტზე კიდევ ერთხელ იმსჯელა

საქართველოს პარლამენტი

  • დასაქმება
  • მედია
  • საჯარო ინფორმაცია
  • კონტაქტი
  • კომიტეტები
  • ბიურო
  • კომისიები და საბჭოები
  • ფრაქციები
  • ზედამხედველობა
  • საბიუჯეტო ოფისის ვებგვერდი
ვებგვერდი მომზადებულია USAID-ის მხარდაჭერით. მასზე განთავსებული ინფორმაცია შესაძლოა არ ასახავდეს აშშ-ის მთავრობის და USAID-ის შეხედულებებს.
USAID
© 2019 საქართველოს პარლამენტი Read about our approach to external linking.
Crafted By Leavingstone Leavingstone
კონტაქტი

საქართველოს პარლამენტი

USAID Leavingstone
+
A
-
A
A
A
a
A
R