ყაზახეთის რესპუბლიკის პარლამენტთან მეგობრობის ჯგუფის ხელმძღვანელი ანტონ ობოლაშვილი ყაზახეთის რესპუბლიკის საგანგებო და სრულუფლებიან ელჩს მალიკ მურზალინს შეხვდა.

შეხვედრაზე მხარეებმა ორ ქვეყანას შორის არსებული მეგობრული ურთიერთობები მიმოიხილეს და სამომავლო თანამშრომლობის პერსპექტივებზე იმსჯელეს.

აღინიშნა, რომ ყაზახეთი საქართველოს ერთ-ერთი მნიშვნელოვანი სავაჭრო პარტნიორია და ორივე მხარე დაინტერესებულია არსებული თანამშრომლობის კიდევ უფრო განვითარებით, რათა ეკონომიკური კავშირები და სავაჭრო ბრუნვა კიდევ უფრო დინამიკური გახდეს.

შეხვედრაზე ასევე განსაკუთრებული ყურადღება ტურიზმის განვითარებასა და ქვეყანაში ყაზახი ტურისტების შემოსვლის ხელშეწყობის მიმართულებებზე გამახვილდა.

​ორ ქვეყანას შორის საპარლამენტო დიპლომატიაზე საუბრისას, ანტონ ობოლაშვილმა საპარლამენტო დელეგაციის ყაზახეთის დედაქალაქში ვიზიტის ფარგლებში გამართული შეხვედრების შედეგები შეაფასა და აღნიშნა, რომ ორი ქვეყნის საკანონმდებლო ორგანოს შორის თანამშრომლობის კიდევ უფრო გამყარების მიზნით, ორმხრივ საქმიან ვიზიტებს დიდი მნიშვნელობა ენიჭება.