პარლამენტის პოლიტიკური ჯგუფის „ხალხის ძალის" თავმჯდომარე დიმიტრი ხუნდაძე სხვადასხვა უმაღლესი სასწავლებლების სტუდენტებს შეხვდა.

დიმიტრი ხუნდაძემ ნარკოპოლიტიკასთან დაკავშირებულ საკანონმდებლო ცვლილებებზე გაამახვილა ყურადღება. ახალგაზრდებთან საუბრისას დეპუტატმა ხაზი გაუსვა რამდენად სახიფათოა ისეთი პატარა ქვეყნისთვის, როგორიც საქართველოა და მისი გენოფონდისთვის ნარკოტიკების მოხმარება.

შეხვედრა კითხა-პასუხის ფორმატში წარიმართა. ახალგაზრდები დაინტერესდნენ რამ გამოიწვია ნარკოდანაშაულის მიმართ სასჯელის გამკაცრება, რას ითვალისწინებს იძულებითი მკურნალობა, რა შემთხვევაში ხდება პირის პასუხისმგებლობისგან გათავისუფლება და სხვა.

ახალგაზრდებთან საუბრისას დიმიტრი ხუნდაძემ ასევე ხაზი გაუსვა ნარკომომხმარებლების მიმართ სახელმწიფოს მიდგომას მათი რესოციალიზაციის კუთხით.