საქართველოს პარლამენტის უმრავლესობისა და ოპოზიციური ფრაქციების წარმომადგენლები ეკონომიკისა და მდგრადი განვითარების მინისტრს, ნათია თურნავას შეხვდნენ. 

„ხელისუფლების პოზიცია ყოველთვის, სხვადასხვა საკითხებთან მიმართ ცნობილია, მაგრამ გვინდოდა, დარწმუნებულები ვყოფილიყავით, რომ ყველა იმ საჭირბოროტო საკითხზე, რომელთან მიმართებაშიც ოპოზიციის იმ ლიდერებს, რომლებიც ესწრებოდნენ ამ შეხვედრას, აქვთ განსხვავებული პოზიცია, ჩვენი მხრიდან, ძალიან მკაფიოდ ყოფილიყო დაფიქსირებული ხელისუფლების ხედვა დღეს.

ეს ერთმანეთთან გარკვეულ წინააღმდეგობაში მყოფი მოსაზრებები ორივე მხარისთვის არის სასარგებლო. ხელისუფლებისთვის არის შესაძლებლობა კიდევ ერთხელ, მკაფიოდ დააფიქსიროს ყველა იმ საკითხთან მიმართებაში პოზიცია, რითაც ის პოზიციონირებს მიმდინარე საკითხების საჭირბოროტო თემებთან მიმართებაში და ოპოზიციას აქვს შესაძლებლობა, ყველა საჭირბოროტო საკითხზე, რომელსაც ისინი თვლიან, რომ განსხვავებული, ალტერნატიული გადაწყვეტაა საჭირო, კიდევ ერთხელ მოისმინოს ხელისუფლების პოზიცია.

აქ კონსენსუსის მიღწევის მცდელობა არ ყოფილა და არც ამის მოლოდინი არ ყოფილა, ძალიან მოხარული ვარ, რომ ყველა შემთხვევასთან მიმართებაში მკაფიოობა სხვადასხვა, განსხვავებული მოსაზრებების დაფიქსირდა და ასეთი იყო ჩვენი დღევანდელი შეხვედრის მიზანი“, - განაცხადა შეხვედრის დასრულების შემდეგ დარგობრივი ეკონომიკისა და ეკონომიკური პოლიტიკის კომიტეტის თავმჯდომარემ, რომან კაკულიამ.