პარლამენტის წევრი თამარ ჩარკვიანი საქართველოში ავსტრიის რესპუბლიკის ელჩს, თომას მიულმანს შეხვდა.

შეხვედრის მთავარი თემა იყო ევროკავშირის წევრობის კანდიდატის სტატუსის მიღება და 12 რეკომენდაციის შესრულება.

„დღეს ჩემი ინტერესი არის კანდიდატის სტატუსის მიღება. ოპოზიციონერთა იმ რიცხვს მივეკუთვნები, რომლებიც ფიქრობენ, რომ ქვეყანამ კანდიდატის სტატუსი აუცილებლად უნდა მიიღოს. ვისაუბრეთ საქართველოს საგარეო კურსზე, რომ მოსახლეობას უნდა დასავლეთი და ჩვენ ვართ ძირძველი ევროპელები. ასევე ხაზი გავუსვი დეესკალაციის და მესამე პრეზიდენტის საკითხის გადაწყვეტას. ყველა დიპლომატთან შეხვედრაზე ამ საკითხზე ვსაუბრობ“, - განაცხადა თამარ ჩარკვიანმა შეხვედრის დასრულების შემდეგ.