გუბაზ სანიკიძე და შალვა კიკნაველიძე ირანის ისლამური რესპუბლიკის განათლების მინისტრის მოადგილეს შეხვდნენ
დღეს, საქართველოს პარლამენტში პარალამენტის თავმჯდომარის მოადგილემ, გუბაზ სანიკიძემ და დიასპორისა და კავკასიის საკითხთა კომიტეტის თავმჯდომარის პირველმა მოადგილემ, შალვა კიკნაველიძემ ირანის ისლამური რესპუბლიკის ელჩს, აბას თალები ფარის, ირანის განათლების მინისტრის მოადგილეს, ალი როსთანს და სხვა ოფიციალურ პირებს უმასპინძლეს. შეხვედრის მიზანს ქვეყნებს შორის კულტურულ-საგანმანათლებლო ურთიერთობის გაღრმავება წარმოადგენდა.
შეხვედრაზე საუბარიქართულ-ირანული სამეცნიერო წრეების დაახლოებას და გაცვლითი პროგრამების ამოქმედებას შეეხო.
„ვისაუბრეთ ირანსა და საქართველოს შორის სამეცნიერო საქმიანობის გაღრმავებაზე, ასევე პროფესორებისა და სტუდენტებისთვის გაცვლითი პროგრამების ამოქმედებაზე. იგეგმება სამეცნიერო ექსპედიციების მოწყობა როგორც ქართულ, ასევე ირანულ ისტორიულ ფონდებში“, - განაცხადა შეხვედრის დასრულების შემდეგ პარალამენტის თავმჯდომარის მოადგილემ, გუბაზ სანიკიძემ.
